Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Тэрбумтан, буяны үйлстэн Мелинда Фрэнч Гэйтс түүний хуучин нөхөр, Microsoft компанийг үүсгэн байгуулагч Билл Гэйтс-ийн нэр талийгаач бэлгийн мөлжлөгийн гэмт хэрэгтэн Жэфри Эпштейнтэй холбоотой шинээр задарсан баримтуудад байгаа нь “Гэрлэлтийн минь хамгийн их шаналгатай үеийг дахин сэдрээсэн” гэж мэдэгдэхэд хүргэжээ.
Тэрээр NPR-ийн подкаст нэвтрүүлэгт ярилцлага өгөхдөө Эпштейний хэргүүдийн талаар “Итгэмээргүй их гуниг” мэдэрч байгаагаа хэлээд, баримт бичгүүдэд нэр дурдагдсан хүмүүс, түүний дотор өөрийн хуучин нөхөр ч үүнд тайлбар өгч, хариуцлага үүрэх ёстой гэдгийг онцолсон байна.
“Би энэ бүх шавхруунаас хол байгаадаа үнэхээр их баяртай байна” гэж тэр хэлжээ.
Хосууд 27 жил хамт амьдарсны эцэст 2021 онд салсан юм.
АНУ-ын Хууль зүйн яамнаас саяхан ил болгосон баримтуудад Эпштейн өөрөө Билл Гэйтсийг бэлгийн замын халдварт өвчин туссан гэж мэдэгдсэн гэх зүйл багтжээ. Харин Билл Гэйтс энэ мэдэгдлийг “Туйлын утгагүй” хэмээн няцаасан байна.
“Эдгээр мэдэгдлүүд бол үнэн нь аль хэдийн нотлогдсон, өш хонзонт худалч этгээдийн зохиосон, туйлын утгагүй бөгөөд бүрэн худал” хэмээн Билл Гэйтсийн төлөөлөгч хэлжээ.
BBC агентлаг Мелинда Фрэнч Гэйтсийн хэлсэн үгтэй холбогдуулан Билл Гэйтсийн төлөөлөгчидтэй холбогдохыг оролдсон байна.
Билл Гэйтсийг Эпштейний хохирогчдын хэн нь ч гэмт хэрэгт буруутгаагүй бөгөөд түүний нэр эдгээр “Эпштейний файлуудад” орсон нь ямар нэг гэмт хэрэг үйлдсэнийг илтгэхгүй гэдгийг BBC онцолжээ.
NPR-ийн Wild Card подкастын ярилцлагын үеэр Мелинда Фрэнч Гэйтс ийн хэлсэн байна:
“Надад бол ийм мэдээллүүд дахин гарч ирэх бүрд хувь хүний хувьд маш хэцүү байдаг. Учир нь энэ нь миний гэрлэлтийн маш, маш шаналгатай мөчүүдийг дахин сануулдаг.”
Тэрээр цааш нь:
“Тэнд үлдэж байгаа ямар ч асуулт бүрийг нь мэдэх боломжгүй — тэр асуултууд бол тэр хүмүүсийнх, мөн миний хуучин нөхрийн хариуцах ёстой зүйл. Тэд л үүнд тайлбар өгөх ёстой, би биш” гэжээ.
АНУ-ын хэвлэлүүдийн мэдээлснээр, салалтаасаа өмнө Мелинда Фрэнч Гэйтс нөхрийнхөө Эпштейнтэй харилцаж байсанд сэтгэл дундуур байсан аж. Харин салалтын тухай албан ёсоор зарласны дараа Билл Гэйтс 2019 онд Microsoft-ийн нэг ажилтантай дотно харилцаатай байсан гэдгээ хүлээн зөвшөөрсөн юм.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Билл Гэйтстэй холбоотой эдгээр мэдэгдлүүд нь өнгөрсөн долоо хоногт АНУ-ын Хууль зүйн яамнаас нийтэд ил болгосон 3 сая гаруй баримт бичгийн дотор багтжээ.
2013 оны 7-р сарын 18-ны өдрөөр огноолсон хоёр имэйл Эпштейний зүгээс бичигдсэн бололтой боловч тэдгээрийг Гэйтст үнэхээр илгээсэн эсэх нь тодорхойгүй байна.
Эдгээр имэйлүүд нь хоёулаа Эпштейний и-мэйл хаягаас явуулж, мөн өөрийнх нь хаяг руу буцаж ирсэн бөгөөд Гэйтстэй холбоотой ямар ч и-мэйл хаяг харагддаггүй, мөн гарын үсэггүй аж.
Нэг имэйл нь Билл ба Мелинда Гэйтсийн сангаас огцорч буй мэт бичигдсэн бөгөөд Биллийг “Орос охидтой бэлгийн харьцаанд орсны үр дагаврыг эмчлэхийн тулд эм бэлдмэл бэлтгэхэд хүрсэн”-ийг гомдоллон дурдсан байна.
Нөгөө имэйл нь “Хүндэт Билл” гэж эхэлж, найрамдлыг тасалсанд гомдоллож, Билл Гэйтс бэлгийн замын халдварт өвчнийг нуун дарагдуулахыг оролдсон, үүнд тухайн үеийн эхнэр Мелиндагаас нуусан гэх мэт илүү олон мэдэгдлийг агуулжээ.
Олон жилийн турш Билл Гэйтс болон түүний төлөөлөгчид Эпштейнтэй холбоотой харилцааг нь багасган тайлбарлаж ирсэн. Тэрээр өмнө нь тэд “Зөвхөн хэдхэн удаа оройн хоол идэж, хэрэгжээгүй нэгэн буяны төслийн талаар ярилцсан” хэмээн мэдэгдэж байв.
Хамгийн сүүлийн мэдэгдлүүдийн дараа Билл Гэйтсийн төлөөлөгч ийн хэлжээ:
“Эдгээр баримтуудын харуулж буй цорын ганц зүйл бол Эпштейн Гэйтстэй цаашид харилцаатай байж чадаагүйдээ бухимдаж, түүнийг барьцаалах, гутаан доромжлохын тулд ямар хэмжээнд хүрч байсныг л харуулж байна.”
Өнгөрсөн долоо хоногт нийтлэгдсэн олон сая баримт, имэйл, гэрэл зургууд нь Эпштейний алдартнууд, бизнесийн удирдагчид, дэлхийн улс төрийн лидерүүдтэй тогтоосон өргөн сүлжээг ил болгожээ.
Эдгээр харилцаа нь зарим тохиолдолд 2008 онд 14 настай охиноос бэлгийн үйлчилгээ авсан хэргээр ял сонссоных нь дараа ч үргэлжилж байсан ажээ.
